خىتاي مىنىستىر بۇلغارىيە رەھبىرى تەرىپىدىنمۇ كۈتۈۋېلىندى.
بۇلغارىيە باش مىنىستىرى رۇمېن رادېۋ، دۆلىتىدە رەسمىي زىيارەتتە بولۇۋاتقان خىتاي تاشقى ئىشلار مىنىستىرى ۋاڭ يىنى پايتەخت سوفىيەدە كۈتۈۋالدى.
ئۇچرىشىشتىن ئىلگىرى سۆز قىلغان رادېۋ، بۇلغارىيەنىڭ توكلۇق ئاپتوموبىل، ئېنېرگىيە، يېزا ئىگىلىكى ۋە يۇقىرى تېخنولوگىيە ساھەلىرىدە مەبلەغ سېلىش ئۈچۈن قولايلىق شارائىتلارنى يارىتىپ بەرگەنلىكىنى ئەسكەرتىپ، ۋاڭ يىنىڭ زىيارىتىنىڭ بۇ ساھەلەردە ئىككى دۆلەت ئوتتۇرىسىدىكى مۇناسىۋەتلەرنىڭ تەرەققىي قىلىشىغا تۆھپە قوشىدىغانلىقىغا ئىشىنىدىغانلىقىنى بىلدۈردى.
بۇلغارىيەنىڭ ياۋروپا بىلەن خىتاي ئوتتۇرىسىدىكى قاتناش، ئېنېرگىيە ۋە رەقەملىك ئالاقىنى راۋاجلاندۇرۇشتا مۇھىم ئورۇنغا ئىگە ئىكەنلىكىنى تىلغا ئالغان رادېۋ، دۆلىتىنىڭ بۇ ساھەلەردە ياۋروپاغا ئېچىلغان بىر دەرۋازا رولىنى ئوينىيالايدىغانلىقىنى قەيت قىلدى.
ۋاڭ يى بولسا رادېۋنىڭ ئىستراتېگىيەلىك يىراقنى كۆرەرلىككە ئىگە ۋە مەسىلىلەرگە رېئال پوزىتسىيەدە بولىدىغان بىر سىياسەتچى ئىكەنلىكىنى، بۇلغارىيەنىڭ ئۇنىڭ رەھبەرلىكىدە مۇھىم ئىلگىرىلەشلەرنى قولغا كەلتۈرىدىغانلىقىغا ئىشىنىدىغانلىقىنى بىلدۈردى.
خىتاي مىنىستىر ۋاڭ يى بۇلغارىيە پىرېزىدېنتى ئىلىيانا يوتوۋا تەرىپىدىنمۇ كۈتۈۋېلىندى.
پىرېزىدېنتلىق مەھكىمىسى ئاخبارات ۋاسىتىلىرى ئىشلىرى باياناتچىسى تەرىپىدىن ئېلان قىلىنغان باياناتقا قارىغاندا، ئۇچرىشىشتا ئوتتۇرا شەرق ۋە ئۇكرائىنادىكى توقۇنۇشلار مۇھاكىمە قىلىنغان. ئىككى تەرەپ، توقۇنۇشلارنى ھەل قىلىش ئۈچۈن ئاكتىپ دىپلوماتىك تىرىشچانلىقلارنىڭ زۆرۈرلۈكى توغرىسىدا بىردەكلىك ھاسىل قىلغان.
