ئاراقچى X ھېسابىدا نېتانياھۇنىڭ ئىرانغا قارشى سۆزلىرىگە ئىنكاس قايتۇرۇپ: «نېتانياھۇ تۈرمىگە كىرمەسلىك ئۈچۈن، بۇنىڭ ئىسرائىلىيە ۋە ئامېرىكا پىرېزىدېنتىغا ئېلىپ كېلىدىغان ئاقىۋەتلىرىگە پىسەنت قىلماي، ئامېرىكانى يېڭى بىر ئۇرۇشقا سۆرەۋاتىدۇ» دېدى.
ئۇ ئىراننىڭ «ئىشىنى پۈتتۈرۈش» مەقسىتىدە قىلىنغان ھۇجۇملاردىن كېيىن تېخىمۇ كۈچلۈك بولۇپ چىققانلىقىنى ئىلگىرى سۈرۈپ: «تەلىيىڭلارنى يەنە بىر قېتىم سىناپ باقامسىلەر؟ قېنى، سىناپ بېقىڭلار. لېكىن ئېھتىيات قىلىڭلار؛ بىزنىڭمۇ تېخى ئاخىرلاشمىغان ئىشلىرىمىز بار» دېدى.
«ئىسرائىلىيە ۋاقتى» گېزىتىنىڭ خەۋىرىگە قارىغاندا، نېتانياھۇ 27-ئۆكتەبىر ئۆتكۈزۈلىدىغان سايلامنىڭ «مەۋجۇتلۇققا مۇناسىۋەتلىك ئەھمىيەتكە ئىگە» ئىكەنلىكىنى ئىلگىرى سۈرۈپ، بىخەتەرلىك دوكترىنىسىدا «ئىران ھاكىمىيىتىنى ئاغدۇرۇش» مەسىلىسىنى تىلغا ئالغان.
ئۇ ئىران ئىقتىسادىنىڭ كۈنسېرى ناچارلىشىشى خەلقنىڭ نارازىلىقىنى ئاشۇرۇپ، يېڭى نامايىشلارغا يول ئېچىشى مۇمكىنلىكىنى ئىلگىرى سۈرۈپ: «پىلانىمىز ھاكىمىيەتنىڭ يىمىرىلىشىنى ئىشقا ئاشۇرۇشقا قارىتىلغان ئىنتايىن كەڭ دائىرىلىك ۋە قەتئىي پىلاندۇر. بارلىق بىخەتەرلىك ئورگانلىرىغا بەرگەن كۆرسەتمەم مۇشۇ» دېگەن.
