ماكرون 100 مىڭ توننىدىن قوشۇمچە دىزېل بىلەن تەمىنلىشى ئۈچۈن ئەرەب بىرلەشمە خەلىپىلىكى ۋە بەھرەيندىن كاپالەت ئالدى.
فىرانسىيە پىرېزىدېنتى ئېممانۇئېل ماكرون دۆلىتىدىكى يېقىلغۇ باھاسىنى چۈشۈرۈش مەقسىتىدە، پارىس قولتۇقى دۆلەتلىرىدىن 200 مىڭ توننا قوشۇمچە دىزېل ھەل قىلدى.
ئېلسې سارىيى تەرىپىدىن ئېلان قىلىنغان باياناتتا: «پۇقرالىرىمىزنىڭ قىيىن ئەھۋالدا قالماسلىقىغا كاپالەتلىك قىلىش ۋە باھالارنى تۆۋەنلىتىش مەقسىتىدە، بىۋاسىتە ۋە جىددىي تاپشۇرۇلىدىغان شەكىلدە تەمىنلەشنى ئىشقا ئاشۇرۇۋاتىمىز» دېيىلدى.
پىرېزىدېنت مەھكىمىسى، ماكروننىڭ ئەرەب بىرلەشمە خەلىپىلىكىدىن «ئايلىق تەخمىنەن 100 مىڭ توننا دىزېل » ۋە چۈش ۋاقىتلىرىدا يېتىپ بارغان بەھرەيندىنمۇ ئوخشاش مىقداردا دىزېل بىلەن تەمىنلىشى ئۈچۈن ۋەدىلەرنى ئالغانلىقىنى ئۇقتۇردى.
ئېممانۇئېل ماكرون 4 دۆلەتنى ئۆز ئىچىگە ئالغان پارىس قولتۇقى ئايلانما زىيارىتىنىڭ 3 - بېكىتى بولغان بەھرەينگە يېتىپ بارغان ئىدى.
ماكرون بۇ يەردە بەھرەيىن پادىشاھى ھەمەد بىن ئىيسا ئالخەلىفە تەرىپىدىن رەسمىي مۇراسىم ئارقىلىق قارشى ئېلىنغان ئىدى.
ئېلسې سارىيى تەرىپىدىن بۇرۇن ئېلان قىلىنغان باياناتتا، ماكروننىڭ 19 - 21 - ئۆكتەبىر كۈنلىرى كۇۋەيت، ئەرەب بىرلەشمە خەلىپىلىكى، بەھرەين ۋە قاتاردا زىيارەتتە بولىدىغانلىقى؛ ئۇچرىشىشلاردا رايونلۇق مۇقىملىق، ھورمۇز بوغۇزىدىكى قاتناش ئەركىنلىكى ۋە ئېنېرگىيە بىخەتەرلىكى مەسىلىلىرىنىڭ مۇزاكىرە قىلىنىدىغانلىقى بىلدۈرۈلگەن ئىدى.
مەزكۇر زىيارەت، يەر شارى خاراكتېرلىك نېفىت تەمىناتىنىڭ مۇھىم بىر قىسمى ئۆتىدىغان ئىستراتېگىيەلىك ھورمۇز بوغۇزىدا دېڭىز قاتنىشى ئاقساپ، رايونلۇق جىددىيچىلىكلەر ئەۋج ئېلىپ كەتكەن بىر مەزگىلدە ئېلىپ بېرىلماقتا.
