بايقار (Baykar) شىركىتى تەرىپىدىن تەتقىق قىلىش – تەرەققىي قىلدۇرۇش ۋە يېڭىلىق يارىتىش خىزمەتلىرى ئارقىلىق ياسالغان ئاقىنجى ھۇجۇمچى ئۇچقۇچىسىز ھاۋا ئاپپاراتى، رۇكەتسان (Roketsan) تەرىپىدىن تەرەققىي قىلدۇرۇلغان «İHA-300» ناملىق ئۇلترا ئاۋاز تېزلىكىدىكى باللىستىك باشقۇرۇلىدىغان بومبا بىلەن ئېلىپ بېرىلغان سىناقتا دەل نىشانغا زەربە بەردى.
تەكىرداغدىكى چورلۇ ئۇچۇش تەربىيەلەش ۋە سىناق مەركىزىدىن قوزغالغان ئاقىنجى، سىنۇپ دېڭىز ساھىللىرىدىكى 250 كىلومېتىردىن ئارتۇق مۇساپىدىكى نىشاننى يۇقىرى ئېنىقلىقتا بىر تەرەپ قىلدى.
بۇنىڭدىن ئىلگىرى ئاقىنجىغا «İHA-122» ۋە «İHA-230» تىپلىق باشقۇرۇلىدىغان بومبىلار مۇۋەپپەقىيەتلىك سەپلەنگەن بولۇپ، يېڭى «İHA-300» بومبىسى بىلەن ئاپپاراتنىڭ ئۇزۇن مۇساپىلىك زەربە بېرىش ئىقتىدارى يېڭى بىر باسقۇچقا كۆتۈرۈلدى. بايقار شىركىتى 2025-يىلىمۇ قوراللىق ئۇچقۇچىسىز ھاۋا ئاپپاراتلىرى ساھەسىدە دۇنيادىكى ئەڭ چوڭ ئېكسپورت قىلغۇچى بولۇش ئورنىنى ساقلاپ قالدى ۋە 2 مىليارد 200 مىليون دوللارلىق ئېكسپورت سوممىسى بىلەن ئۆز رېكورتىنى يېڭىلىدى.
