گېزىت مەسىلىدىن خەۋەردار ئامېرىكالىق ۋە باشقا ئەمەلدارلارغا تايىنىپ، رۇسىيەنىڭ باشقۇرۇلىدىغان بومبا ۋە ئۇچقۇچىسىز ھاۋا ئاپپاراتلىرى ھۇجۇمىدىن مۇداپىئەلىنىش ئۈچۈن ئۇكرائىناغا كېرەكلىك بولغان «ۋەتەنپەرۋەر» ناملىق باشقۇرۇلىدىغان بومبىلارنى ئۆتكۈزۈپ بېرىشنىڭ كېچىكىۋاتقانلىقىنى خەۋەر قىلدى.
خەۋەرگە قارىغاندا، بومبىلارنىڭ بىر قىسمى ئۇكرائىنانى قوللايدىغان دۆلەتلەردىن كېلىدۇ؛ بۇ ئۆتكۈزۈپ بېرىشلەرگە ھېگسېتنىڭ تەستىقى لازىم. كېچىكىش ترامپ بىلەن زېلېنىسكىي ئوتتۇرىسىدىكى سۈركىلىش قايتا كۈچەيگەن بىر مەزگىلگە توغرا كەلدى.
ئۇكرائىنالىق بىر ئەمەلدار ئۆتكەن ھەپتە گېزىتكە دۆلىتىدە پەقەت «بىر قانچە <ۋەتەنپەرۋەر> ناملىق باشقۇرۇلىدىغان بومبا»نىڭ قالغانلىقىنى ئېيتىپ، ھاۋا مۇداپىئەسىنىڭ ئوق - دورا تەمىناتىدىن ئەندىشە قىلىۋاتقانلىقىنى بىلدۈرگەن.
گېزىت ھېگسېتنىڭ ئۇكرائىناغا بېرىلىدىغان باشقا بىر قىسىم ئامېرىكا ياردەملىرىنى تەستىقلاشنى داۋاملاشتۇرۇۋاتقانلىقىنى، شۇڭا بۇ كېچىكىشنىڭ ئامېرىكا قوللىشىنىڭ پۈتۈنلەي توختىغانلىقىنى بىلدۈرمەيدىغانلىقىنى قەيت قىلدى.
