قۇرمۇق ناھىيەسى باشلىقى ئابدۇلئاتى مۇھەممەد ئەل-فەكى، ئىجتىمائىي تاراتقۇ ھېسابىدا ئېلان قىلغان باياناتىدا، تېز ياردەم قىسىملىرىغا تەۋە ئۇچقۇچىسىز ئايروپىلانلارنىڭ كىلى مەمۇرىي رايونىغا قاراشلىق بەنى شاكۇ) يېزىسىنى نىشان قىلغانلىقىنى بىلدۈردى.
ئەل-فەكى، ھۇجۇمدا 9 كىشىنىڭ ھاياتىدىن ئايرىلغانلىقىنى، كۆپ ساندا كىشىنىڭ ئېغىر يارىلانغانلىقىنى قەيت قىلدى.
كۆك نىل ئۆلكىسى، سۇداننىڭ ئېفىيوپىيە چېگراسىغا جايلاشقان.
مەزكۇر رايوندا سۇدان ئارمىيەسى بىلەن تېز ياردەم قىسىملىرى ۋە ئۇنىڭ ئىتتىپاقدىشى سۇدان خەلق ئازادلىق ھەرىكىتىگە تەۋە شىمالىي قىسىم ئوتتۇرىسىدا توقۇنۇشلار يۈز بەرمەكتە.
سۇداندا 2023-يىلى ئاپرېلدا ئارمىيە بىلەن تېز ياردەم قىسىملىرى ئوتتۇرىسىدا باشلانغان توقۇنۇشلار، دۆلەتنى چوڭ بىر ئىنسانپەرۋەرلىك كىرىزىسىگە سۆرەپ كىردى.
بىرلەشكەن دۆلەتلەر تەشكىلاتى ۋە خەلقئارالىق ئورگانلارنىڭ مەلۇماتىغا قارىغاندا، توقۇنۇشلار سەۋەبىدىن مىليونلىغان كىشى ئۆي ماكانىدىن ئايرىلغان ۋە كۆپ ساندا كىشى ھاياتىدىن ئايرىلغان.
