ئامېرىكا تاراتقۇلىرىنىڭ زىيارىتىنى قوبۇل قىلغان، ئىسمى ئاشكارىلانمىغان بىر ئەمەلدارنىڭ ئېيتىشىچە، ئىران تەرەپ يەردىن ھاۋاغا ئېتىلىدىغان باشقۇرۇلىدىغان بومبا ئارقىلىق رايوندىكى بىر ئامېرىكا ھەربىي ئايروپىلانىنى ئېتىپ چۈشۈرمەكچى بولغان. ئامېرىكا قىسىملىرىمۇ بۇنىڭغا قايتۇرما زەربە سۈپىتىدە، باشقۇرۇلىدىغان بومبا بىلەن ئىراننىڭ قەشم ئارىلىغا ھۇجۇم قىلغان. مەزكۇر ئەمەلدار بۇ قېتىملىق ھۇجۇمنىڭ كۆلىمىنىڭ «چەكلىك» ئىكەنلىكىنى ۋە پەقەت «مۇداپىئەلىنىش مەقسىتىدە» ئېلىپ بېرىلغانلىقىنى تەكىتلىدى.
بۇنىڭدىن بۇرۇن، ئىران تۈنۈگۈن كەچتە ئامېرىكانىڭ ئۈچ ئۇچقۇچىسىز ئايروپىلاننى ئېتىپ چۈشۈرگەنلىكىنى ئېلان قىلغانىدى. ئۇزاق ئۆتمەيلا، ئىران تاراتقۇلىرى قەشم ئارىلىدا ئاز دېگەندە بەش قېتىم پارتلاش ئاۋازى ئاڭلانغانلىقىنى خەۋەر قىلدى، ئەمما پارتلاشنىڭ سەۋەبى ھەققىدە توختالمىدى. ھازىرغىچە ئىران دائىرىلىرى قەشم ئارىلىدىكى بۇ پارتلاشلار ياكى ئامېرىكا تاراتقۇلىرى تارقاتقان ھۇجۇم خەۋىرى توغرىسىدا ھېچقانداق رەسمىي بايانات بەرمىدى.
