تۈركىيە جۇمھۇرىيىتى جۇمھۇر رەئىسلىك مەھكىمىسى ئۇچۇر-ئالاقە ئىشلىرى ئىدارىسى، ناتو باشلىقلار يىغىنى دائىرىسىدە پايتەخت ئەنقەرەنىڭ ئوخشىمىغان نۇقتىلىرىدا تۈركىيەنىڭ دۆلەت تارىخى، يېڭىلىقلىرى ۋە خەلقئارالىق تۆھپىلىرىگە بىر كۆزنەك ئېچىش مەقسىتىدە مەخسۇس كۆرگەزمىلەرنى ئاچتى. بۇ كۆرگەزمىلەر باشلىقلار يىغىنىغا قاتناشقان چەت ئەل ۋەكىللەر ئۆمەكلىرى، دىپلوماتىيەلىك ئۆمەكلەر، خەلقئارالىق تەشكىلات ۋەكىللىرى ۋە تاراتقۇ خادىملىرى زىچ ئورۇنلاشقان جايلارغا ئورۇنلاشتۇرۇلدى.
«تۈركىيەنىڭ قىممەتلىرى» ۋە «سانلىق مەلۇماتلار بىلەن تۈركىيە ماركىسىنىڭ كۆرۈنۈشى» تېمىسىدىكى مەزكۇر كۆرگەزمىلەر؛ تۈركىيەنىڭ مەدەنىيەت مىراسلىرى، دۇنياۋى ئۇتۇقلىرى، ئىقتىسادىي ۋە تېخنىكىلىق تەرەققىياتى، ئىستراتېگىيەلىك ئىقتىدارى شۇنداقلا يەر شارى مىقياسىدا ئېلىپ بېرىۋاتقان دىپلوماتىيەلىك ۋە ئىنسانپەرۋەرلىك پائالىيەتلىرىنى ئەتراپلىق مەزمۇنلار بىلەن نامايان قىلىشنى نىشان قىلىدۇ.
مەزكۇر كۆرگەزمىلەر ناتو باشلىقلار يىغىنى جەريانىدا جۇمھۇر رەئىسلىك مەھكىمىسى ئۇچۇر-ئالاقە ئىشلىرى ئىدارىسى كۆرگەزمە زالى، ئەسەنبوغا ئايرودۇرۇمى خەلقئارالىق لىنىيە تېرمىنالى ۋە «ئارمادا» سودا سارىيى ھەم سودا مەركىزىدە زىيارەتچىلەر بىلەن يۈز كۆرۈشىدۇ.
