يەمەندىكى خەلقئارا جەمئىيەت ئېتىراپ قىلغان ھۆكۈمەتنى قوللايدىغان ئەرەب ئىتتىپاقداش قىسىملىرىنىڭ باياناتچىسى، گېنېرال-مايور تۇركى ئەلمالىكى X سۇپىسىدا سەئۇدى ئەرەبىستاننىڭ ئۇچقۇچىسىز ھاۋا ئاپپاراتلىرى بىلەن قىلىنغان ھۇجۇملارغا دۇچ كەلگەنلىكىنى بىلدۈردى.
ئەلمالىكىنىڭ ئېيتىشىچە، ئىتتىپاقداش قىسىملار بايقىغان بەش ئۇچقۇچىسىز ھاۋا ئاپپاراتى مەدىنە ۋە شەرقىي رايوندا توسۇپ چۈشۈرۈلگەن. ئۇ ئاپپاراتلارنىڭ قەيەردىن كەلگەنلىكى، ۋەقەدە ئادەم ئۆلۈش ياكى ماددىي زىيان كۆرۈلۈش ئەھۋالى ھەققىدە مەلۇمات بەرمىدى.
يەمەندە ھۇسىيلار 2014-يىلى سېنتەبىردە پايتەخت سانا ۋە بەزى ۋىلايەتلەرنى كونترول قىلىۋالغاندىن بۇيان ئىچكى ئۇرۇش داۋاملاشماقتا. سەئۇدى ئەرەبىستان باشچىلىقىدىكى ئەرەب ئىتتىپاقداش قىسىملىرى 2015-يىلى مارتتىن بېرى خەلقئارا جەمئىيەت ئېتىراپ قىلغان يەمەن ھۆكۈمىتىنى قوللاپ كەلمەكتە.
يېقىندىن بۇيان ھۆكۈمەت كۈچلىرى بىلەن توقۇنۇشى كۈچەيگەن ھۇسىيلار ئۆزلىرىگە ھۇجۇم قىلىنغانلىقىنى ئىلگىرى سۈرۈپ، سەئۇدى ئەرەبىستانغا باللىستىك باشقۇرۇلىدىغان بومبا ۋە ئۇچقۇچىسىز ھاۋا ئاپپاراتلىرىنى ئىشلىتپ ھۇجۇم قىلماقتا.
