شىمالىي قىبرىس تۈرك جۇمھۇرىيىتى باش مىنىستىرى ئۈنال ئۈستەل، 30-ئاۋغۇست زەپەر بايرىمى كۈنى گىرنە دېڭىز ساھىللىرىدا غەرق بولغان كېمىگە مۇناسىۋەتلىك ئىزدەش-قۇتقۇزۇش خىزمەتلىرى داۋامىدا يەنە ئىككى كىشىنىڭ جەسىتىنىڭ تېپىلغانلىقىنى، شۇنىڭ بىلەن ھاياتىدىن ئايرىلغانلار سانىنىڭ 12گە يەتكەنلىكىنى جاكارلىدى. باش مىنىستىر ئۈستەل گىرنە پورتىدا ئۆتكۈزۈلگەن مۇخبىرلارنى كۈتۈۋېلىش يىغىنىدا، يەكشەنبە كۈنىدىن بۇيان تۈركىيە بىلەن ھەمكارلىشىپ ئېلىپ بېرىلىۋاتقان خىزمەتلەر ھەققىدە توختالدى.
ئۇنىڭ بىلدۈرۈشىچە، ئاخىرقى تەكشۈرۈشلەردە 554 مېتىر چوڭقۇرلۇقتىن ئىككى ئايالنىڭ جەسىتى چىقىرىلغان بولۇپ، بۇ چوڭقۇرلۇقتىن تېپىلغان جەسەت سانى تۆتكە يەتكەن. ئۈنال ئۈستەل يەنە يوقاپ كەتكەن 16 كىشىنى تېپىش ئۈچۈن قۇتقۇزۇش خىزمەتلىرىنىڭ ئۈزلۈكسىز داۋاملىشىۋاتقانلىقىنى سۆزلىرىگە ئىلاۋە قىلدى. نۆۋەتتە، شىمالىي قىبرىس تۈرك جۇمھۇرىيىتى ۋە تۈركىيەنىڭ بارلىق ئالاقىدار ئورگانلىرى بىرلىكتە ھەرىكەت قىلىپ، تالاپەتنىڭ كېڭىيىپ كېتىشىنىڭ ئالدىنى ئېلىشقا تىرىشماقتا.
