دۇران تۈركىيەنىڭ ئىجتىمائىي تاراتقۇسى NSosyal دىكى ھېسابىدا بايانات ئېلان قىلىپ، ئىسرائىلىيە مۇداپىئە مىنىستىرى ئىسرائېل كاتزنىڭ جۇمھۇر رەئىس رەجەپ تاييىپ ئەردوغان ۋە تۈركىيەگە قارشى ھەددىدىن ئاشقان سۆزلىرىنىڭ، ئىسرائىلىيەدە يېقىنلىشىۋاتقان سايلام ئالدىدا ئۇلار دۇچ كەلگەن سىياسىي بىچارىلىكنىڭ ئىپادىسى ئىكەنلىكىنى ئېيتتى.
تۈركىيەگە قارىتىلغان ئاساسسىز ئەيىبلەشلەرنىڭ ئىسرائىلىيە ھۆكۈمىتىنىڭ غەززەدىكى ئىرقىي قىرغىنچىلىق خاتىرىسى ۋە رايوندا داۋاملاشتۇرۇۋاتقان تاجاۋۇزچىلىق سىياسەتلىرىنى يوشۇرالمايدىغانلىقىنى تەكىتلىگەن دۇران مۇنداق دېدى:
«كاتزنىڭ ئۇرۇش توختىتىش ۋە تىنچلىق سۆھبەتلىرىگە قاتنىشىۋاتقان شەخسلەرگە ئاشكارا ئۆلۈم تەھدىتى سېلىشى، ئىسرائىلىيە ھۆكۈمىتىنىڭ خەلقئارا قانۇننى كۆزگە ئىلمايدىغان چۈشەنچىسىنىڭ يېڭى بىر ئىپادىسىدۇر. بۇ مەسئۇلىيەتسىز پوزىتسىيە خەلقئارا جامائەتچىلىكنى ئاشكارا كۆزگە ئىلمىغانلىقتۇر.
جۇمھۇر رەئىسىمىز ھۆرمەتلىك رەجەپ تاييىپ ئەردوغاننىڭ رەھبەرلىكىدە تۈركىيە پەلەستىن خەلقىنىڭ قانۇنلۇق ھەق-ھوقۇقلىرىنى، ئادالەتنى ۋە ئۇزاق مۇددەتلىك تىنچلىقنى داۋاملىق قوغدايدۇ. ئىسرائىلىيە ھۆكۈمىتىنىڭ تەھدىتلىرى، قۇتراتقۇلۇقلىرى ۋە قارىلاش ھەرىكەتلىرى دۆلىتىمىزنىڭ ھەق ۋە ئادالەت تەرەپدارى مەيدانىنى ئۆزگەرتەلمەيدۇ.»
