غەززە سەھىيە مىنىستىرلىقى شەنبە كۈنى ئېلان قىلغان باياناتىدا، ئاخىرقى 48 سائەت ئىچىدە توققۇز پەلەستىنلىكنىڭ ھاياتىدىن ئايرىلىشى بىلەن ئىسرائىلىيەنىڭ غەززەگە قاراتقان ئىرقىي قىرغىنچىلىق ئۇرۇشىدا ئۆلتۈرۈلگەنلەر سانىنىڭ 73 مىڭ 449 غا يەتكەنلىكىنى بىلدۈردى.
مىنىستىرلىق كۈندىلىك ئىستاتىستىكا دوكلاتىدا، دوختۇرخانىلارغا توققۇز جەسەت بىلەن بىرگە جەسىتى يېڭى تېپىلغان بىر پەلەستىنلىكنىڭمۇ ئېلىپ كېلىنگەنلىكىنى ۋە بۇ جەرياندا 18 كىشىنىڭ يارىلانغانلىقىنى بىلدۈردى.
مىنىستىرلىق، ناھايىتى كۆپ ساندا پەلەستىنلىكنىڭ بىنا خارابىلىكلىرى ئاستىدا ۋە يوللاردا قالغانلىقىنى، جىددىي قۇتقۇزۇش ۋە ئاممىۋىي مۇداپىئە ئەترەتلىرىنىڭ ئۇلارغا يېتىپ بارالمىغانلىقىنى بىلدۈردى.
پەلەستىنلىكلەرنىڭ قايسى شارائىتلاردا ئۆلتۈرۈلگەنلىكى ياكى يارىلانغانلىقىغا دائىر تەپسىلىي مەلۇمات بېرىلمىدى، ئەمما ئىسرائىلىيە ئارمىيەسى 2025-يىلى 10-ئۆكتەبىردىن بۇيان كۈچكە ئىگە بولغان ئۇرۇش توختىتىش كېلىشىمىگە خىلاپلىق قىلىشنى داۋاملاشتۇرماقتا.
مىنىستىرلىق ئۇرۇش توختىتىش كۈچكە ئىگە بولغاندىن بۇيان ئىسرائىلىيەنىڭ خىلاپلىق قىلىشلىرى نەتىجىسىدە ئۆلگەنلەر سانىنىڭ 1313 كىشىگە، يارىلانغانلار سانىنىڭ بولسا 4361 كىشىگە يەتكەنلىكىنى بىلدۈردى.
مىنىستىرلىق 2023-يىلى 8-ئۆكتەبىردىن بۇيان ئىسرائىلىيەنىڭ غەززەگە قارشى ئېلىپ بارغان ئىرقىي قىرغىنچىلىق ئۇرۇشىدا ئۆلتۈرۈلگەنلەرنىڭ سانىنىڭ 73 مىڭ 449 كىشىگە ۋە يارىلانغانلار سانىنىڭ 174 مىڭ 472 كىشىگە يەتكەنلىكىنىمۇ قوشۇمچە قىلدى.
كۆپىنچىسى ئاياللار ۋە كىچىك بالىلارنى قىرغىن قىلغاندىن باشقا يەنە، ئىسرائىلىيە غەززەنىڭ ئاممىۋىي ئۇل ئەسلىھەلىرىنىڭ تەخمىنەن 90% نى ۋەيران قىلدى.
بىرلەشكەن دۆلەتلەر تەشكىلاتى رايوننى قايتىدىن قۇرۇپ چىقىش ئۈچۈن تەخمىنەن 70 مىليارد دوللار چېقىم كېتىدىغانلىقىنى مۆلچەرلىمەكتە.
