ھىندىستان باش مىنىستىرى نارېندرا مودى ئىران پىرېزىدېنتى مەسئۇد پەزەشكىيان بىلەن ئىككى تەرەپ مۇناسىۋەتلىرى ۋە ئوتتۇرا شەرقتىكى ئەڭ يېڭى ئۆزگىرىشلەر ئۈستىدە توختالدى.
ھىندىستان تاشقى ئىشلار مىنىستىرلىقىنىڭ باياناتچىسى راندىر جەيسۋالنىڭ ئاممىۋى ئورتاقلىشىش تور بېتى X سەھىپىسىدە ئېلان قىلغان باياناتىدا بىلدۈرۈشىچە، مودى بىلەن پەزەشكىيان شاڭخەي ھەمكارلىق تەشكىلاتى باشلىقلار يىغىنى مۇناسىۋىتى بىلەن بارغان قىرغىزىستان پايتەختى بىشكەكتە كۆرۈشكەن.
پەزەشكىيان بىلەن بولغان سۆھبىتىدە ئىككى تەرەپ مۇناسىۋەتلىرى ۋە ئوتتۇرا شەرق ۋەزىيىتىنى مۇزاكىرە قىلغان مودى، ھىندىستاننىڭ جىددىيچىلىكلەرنى دىيالوگ ۋە دىپلوماتىيە يولى بىلەن ھەل قىلىشنى قوللايدىغانلىقىنى بىلدۈرگەن.
مودى رايوندا تىنچلىق ۋە مۇقىملىقنى كاپالەتكە ئىگە قىلىش بىلەن بىرگە، دېڭىز قاتنىشى ئەركىنلىكى ۋە سودا ئەركىنلىكىنى قوغداش ئۈچۈن تىرىشچانلىقلارنى داۋاملاشتۇرۇشنىڭ زۆرۈرلۈكىنى ئالاھىدە تەكىتلىگەن.
