ئامېرىكا پىرېزىدېنتى دونالد ترامپ ئوۋال ئىشخانىسىدا مۇخبىرلارنىڭ كۈنتەرتىپتىكى سوئاللىرىغا جاۋاب بەردى. ترامپ رۇسىيەنىڭ ناتو زېمىنلىرىغا ھەرقانداق بىر ھۇجۇم قىلىپ-قىلمايدىغانلىقى ھەققىدىكى تالاش-تارتىشلار ئۈستىدە توختىلىپ، موسكۋانىڭ بۇنداق بىر قەدەم باسىدىغانلىقىغا ئىشەنمەيدىغانلىقىنى تەكىتلىدى.
ئامېرىكا پىرېزىدېنتى مەزكۇر مەسىلىگە مۇناسىۋەتلىك بىر سوئالغا: «پۇتىن بىلەن ئۈنۈملۈك سۆھبەتلەرنى ئېلىپ باردىم. ئۇ ناتو زېمىنلىرىغا ھۇجۇم قىلمايدۇ» دەپ جاۋاب بەردى.
رۇسىيە بىلەن ئىران ئوتتۇرىسىدىكى «يادرو پىلانى» غا مۇناسىۋەتلىك ئېلىپ بېرىلغانلىقى ئىلگىرى سۈرۈلگەن يېقىنقى سۆھبەتلەر ھەققىدە توختالغان ترامپ، موسكۋاغا بۇ مەسىلىدە بىر ئېمبارگو يۈرگۈزۈش ئېھتىماللىقىنىڭ بارلىقىنى ئەسكەرتتى. ئېمبارگو بىلەن مۇناسىۋەتلىك قارارنىڭ «ۋەزىيەتكە باغلىق» ئىكەنلىكىنى ئېيتقان ترامپ، بۇ مۇساپىنى يېقىندىن كۆزىتىدىغانلىقىنى بىلدۈردى.
بۇنىڭدىن باشقا ترامپ، ئامېرىكانىڭ ئىران بىلەن زىچ ئالاقە ئورنىتىۋاتقانلىقى ئىلگىرى سۈرۈلگەن خىتاي بانكىلىرىغا نېمە ئۈچۈن ئېمبارگو يۈرگۈزمەيدىغانلىقى ھەققىدىكى سوئالغا: «يۈرگۈزمىگەنلىكىمنى نەدىن بىلىسىز؟ قىلغان ھەربىر ئىشىمنى سىلەرگە چۈشەندۈرۈپ بېرىشىم كېرەكمۇ؟» دەپ جاۋاب قايتۇردى.
