تۈركىيە ئىستاتىستىكا ئىدارىسى (TÜİK) 2025-يىللىق «مەدەنىيەت مىراسلىرى ئىستاتىستىكىسى»نى ئېلان قىلدى.

ئىستاتىستىكىغا قارىغاندا، تۈركىيە بويىچە مۇزېيلارنىڭ سانى 2025-يىلى 2024-يىلىغا سېلىشتۇرغاندا %4.4 ئېشىپ 664 كە يەتكەن. بۇ مۇزېيلارنىڭ 220 سى مەدەنىيەت ۋە ساياھەت مىنىستىرلىقىغا، 18 ى مىللىي سارايلار ئىدارىسىگە قاراشلىق بولۇپ، 426 سى خۇسۇسىي مۇزېي قاتارىغا كىرگەن. تارىخىي خارابىلىك ئورۇنلىرىنىڭ سانى بولسا 148 بولغان.

مۇزېيلاردىكى ئەسەرلەرنىڭ سانى 2025-يىلى ئالدىنقى يىلغا سېلىشتۇرغاندا %0.4 ئېشىپ، 4 مىليون 12 مىڭ 294 كە يەتكەن.

مۇزېي ۋە تارىخىي خارابىلىك ئورۇنلىرىنى زىيارەت قىلغانلارنىڭ سانى ئالدىنقى يىلغا سېلىشتۇرغاندا %6.8 ئېشىپ، 65 مىليون 862 مىڭ 639 غا يەتكەن. زىيارەتچىلەرنىڭ %52.9 ى مىنىستىرلىققا قاراشلىق مۇزېي ۋە تارىخىي خارابىلىك ئورۇنلىرىنى زىيارەت قىلغان.

قوغدىلىدىغان تارىخىي يادىكارلىق رايونلىرىنىڭ ئومۇمىي سانى 2025-يىلى ئالدىنقى يىلغا سېلىشتۇرغاندا %6 ئېشىپ، 27 مىڭ 703 كە يەتكەن. بۇ رايونلارنىڭ %97.1 ىنى ئارخېئولوگىيەلىك رايونلار تەشكىل قىلغان.

دۆلەتلىك باغچىلارنىڭ سانى 2025-يىلى ئالدىنقى يىلغا سېلىشتۇرغاندا %2 ئېشىپ 50 كە، ئومۇمىي كۆلىمى بولسا %3.2 ئېشىپ، 942 مىڭ 286 گېكتارغا يەتكەن.

تەبىئەت باغچىلىرىنىڭ سانى %2.2 ئېشىپ 274 كە، ئومۇمىي كۆلىمى بولسا %0.2 ئېشىپ، 94 مىڭ 294 گېكتارغا يەتكەن.