بۇرھانەتتىن دۇران ھەر يىلى ئۆتكۈزۈلىدىغان تۈرك تائاملىرى ھەپتىلىكى پائالىيىتىنىڭ ئانادولۇنىڭ ئاشپەزلىك مىراسلىرىنى ۋە ئەنئەنىلىرىنى دۇنيا مىقياسىدا تونۇشتۇرۇۋاتقانلىقىنى ئېيتتى.
جۇمھۇر رەئىسلىك مەھكىمىسى ئۇچۇر - ئالاقە ئىشلىرى ئىدارىسىنىڭ باشلىقى بۇرھانەتتىن دۇران تۈرك تائاملىرى ھەپتىلىكىنىڭ مەدەنىيەت جەھەتتىكى ئەھمىيىتىنى تەكىتلەپ، ھەر يىلى ئۆتكۈزۈلىدىغان بۇ پائالىيەتنى تۈركىيەنىڭ مول تائام ۋە مەدەنىيەت مىراسلىرىنى قوغداشنىڭ مۇھىم بىر يولى دەپ كۆرسەتتى.
دۇران تۈركىيەنىڭ ئاممىۋى ئورتاقلىشىش تور بېتى NSosyal سەھىپىسىدە پەيشەنبە كۈنى ھەمبەھىرلىگەن ئۇچۇرىدا، بۇ يىل بەشىنچى قېتىم «بىر داستىخاندىكى مىراس» تېمىسىدا ۋە بىرىنچى خانىم ئەمىنە ئەردوغاننىڭ يېتەكچىلىكىدە ئۆتكۈزۈلگەن پائالىيەتنىڭ، ئانادولۇنىڭ ئەنئەنىۋى لەززەتلىرىنى تۈركىيەنىڭ ئۇزۇن تارىخقا ئىگە مەدەنىيەت مىراسلىرى بىلەن بىرلىكتە تونۇشتۇرغانلىقىنى بىلدۈردى.
دۇران: «بىر مىللەتنىڭ ئەسلىمىسى گاھىدا بىر خەلق ناخشىسىدا، گاھىدا ئاشۇ بىر داستىخان ئەتراپىدا جەم بولغان چىن دىللاردىلا ياشايدۇ» دېدى.
دۇران تۈرك تائاملىرىنىڭ قانچە ئەسىرلەردىن بۇيان پەقەت تاماقلا ئەمەس، بەلكى ئورتاقلىشىش، بەرىكەت، مېھماندوستلۇق ۋە مەدەنىيەتنىڭ ئەڭ گۈزەل ۋاسىتىلىرىدىن بىرى ئىكەنلىكىنى سۆزلىرىگە ئىلاۋە قىلدى.
ئۇ يەنە: «بۇ ئەھمىيەتلىك تەسەۋۋۇرغا يېتەكچىلىك قىلغان ھۆرمەتلىك خانىم ئەپەندى باشلىق، بۇ قىممەتلىك مىراسنى داۋاملاشتۇرۇۋاتقان بارلىق ئاشپەزلىرىمىزگە، ئىشلەپچىقارغۇچىلىرىمىزغا، ئەجىر سىڭدۈرگەن ۋە مەدەنىيىتىمىزنى كەلگۈسىگە يەتكۈزۈۋاتقان پۈتكۈل كىشىلەرگە رەھمەت ئېيتىمەن ھەمدە تۈرك تائاملىرى ھەپتىلىكىنى چىن دىلىمدىن تەبرىكلەيمەن» دېدى.
