غەززەدىكى سەھىيە مىنىستىرلىقى تەرىپىدىن ئېلان قىلىنغان يازما باياناتتا، ئىسرائىلىيەنىڭ 2023-يىلى ئۆكتەبىردىن بۇيان غەززەدە ئېلىپ بېرىۋاتقان ھۇجۇملىرىدا كۆرۈلگەن تالاپەتلەر ھەققىدىكى ئەڭ يېڭى سانلىق مەلۇماتلار ھەمبەھىرلەندى.
ئۇرۇش توختىتىش كېلىشىمىگە قارىماي، ئىسرائىلىيەنىڭ ھۇجۇملىرى داۋاملىشىۋاتقان غەززەدە، ئاخىرقى 24 سائەت ئىچىدە ئالتە كىشى ھاياتىدىن ئايرىلدى، 13 كىشى يارىلاندى. ھاياتىدىن ئايرىلغانلاردىن بىرىنىڭ ئىلگىرىكى ھۇجۇملاردا ئېغىر يارىلىنىپ، قۇتقۇزۇش ئۈنۈم بەرمىگەنلىكى بىلدۈرۈلدى.
غەززەدە ئۇرۇش توختىتىش كېلىشىمى يولغا قويۇلغان 2025-يىلى 10-ئۆكتەبىردىن بۇيان ئىسرائىلىيەنىڭ ھۇجۇملىرىدا 1326 كىشى جېنىدىن ئايرىلدى، 4 مىڭ 398 كىشى يارىلاندى، خارابىلىك ئاستىدىن بولسا 815 كىشىنىڭ جەسىتى چىقىرىلدى.
ئىسرائىلىيە ئارمىيەسىنىڭ 2023-يىلى ئۆكتەبىردىن بۇيان غەززە رايونىغا قىلغان ھۇجۇملىرىدا ھاياتىدىن ئايرىلغانلارنىڭ ئومۇمىي سانى 73 مىڭ 462 گە، يارىلانغانلار سانى بولسا 174 مىڭ 509 غا يەتتى. غەززە رايونىدىكى خارابىلىكلەر ئاستىدا يەنىلا مىڭلىغان كىشىنىڭ جەسىتى بارلىقى مۆلچەرلەنمەكتە.
