پەلەستىن سەھىيە مىنىستىرلىقىنىڭ مەلۇماتىغا قارىغاندا، ئىسرائىلىيە دۆلەت خەۋپسىزلىك كۈچلىرى سەيشەنبە كۈنى نابلۇسنىڭ جەنۇبىدىكى ئەقرابا بازارچىسىدا ئېلىپ بارغان ھەربىي ھەرىكىتى جەريانىدا 28 ياشلىق ئابدۇلكېرىم سۇلايماننى ئۆلتۈرگەن. بازار باشلىقى سالاھ ئەبۇ شاھادانىڭ ئانادولۇ ئاگېنتلىقىغا (AA) بىلدۈرۈشىچە، ئىسرائىلىيە ئەسكەرلىرى ئەتىگەن تەرەپلەردە بىر ئائىلە كىشىلىرى پاناھلىنىۋاتقان ئۆينى قورشاۋغا ئالغان.
ئائىلە ئەزالىرى مەجبۇرىي سىرتقا چىقىرىلغان، ئەمما ئۆي ئىگىسىنىڭ چىقىشنى رەت قىلىشى بىلەن ئىسرائىلىيە كۈچلىرى ئۆينى بومباردىمان قىلغان، نەتىجىدە بىنانىڭ بىر قىسمى گۈمۈرۈلۈپ چۈشكەن. ئىسرائىلىيە كۈچلىرى كېيىنچە پەلەستىن دائىرىلىرىگە سۇلايماننىڭ ئۆلتۈرۈلگەنلىكىنى خەۋەر قىلغان ۋە جەسەتنى ئۆزلىرى بىلەن بىللە ئېلىپ كەتكەن. ئىسرائىلىيەنىڭ غەززەگە قاراتقان ئىرقىي قىرغىنچىلىق ئۇرۇشى باشلانغاندىن بۇيان، ئىيوردان دەرياسىنىڭ غەربىي قىرغىقىدا بۇ خىل ھۇجۇملار بارغانسېرى كۆپەيمەكتە.
