ئۈزلۈكسىز تاقىتىش دۈشەنبە ئاخشىمى باشلاندى. ئاقساراي ھۆكۈمەت باياناتلىرى ۋە ئۆتمۈشتىكى باھالاشلار ئورۇن ئالغان ئاڭلىتىشنىڭ 24 سائەتلىك تۈزۈم بويىچە ئېلىپ بېرىلىدىغانلىقىنى ئۇقتۇردى.

ئاقساراي دۈشەنبە ئاخشىمى «ترامپ تېلېۋىزىيەسى» ناملىق بىر تور ئاڭلىتىش قانىلى ئاچتى. قانالنىڭ «گەۋدىلىك سىنلارنى، مۇھىم باياناتلارنى ۋە قولدىن بېرىپ قويۇشقا بولمايدىغان دەقىقىلەرنى نەق مەيدان يېڭىلانمىلىرى بىلەن 7 كۈن 24 سائەت» تارقىتىدىغانلىقى بىلدۈرۈلدى.

قانال ئاڭلىتىش باشلىغان ۋاقىتتا، ترامپنىڭ 3-ئىيۇل رۇشمور تېغىدا قىلغان نۇتۇقىنىڭ ئارخىپ كۆرۈنۈشلىرىنى كۆرسىتىۋاتاتتى.

ئامېرىكانىڭ چوڭ تېلېۋىزىيە تورلىرىدىن NBC, ABC, CBS ۋە Fox News, CNN, Politico شۇنداقلا  MS Nowپىرېزىدېنتلىق ئۇچۇر بېرىش يىغىنلىرىدىن چىقىرىپ تاشلانغانلىقىغا قايتۇرۇلغان ئىنكاس سۈپىتىدە، تۈنۈگۈن ئاقسارايدىكى تېلېۋىزىيە ئاڭلىتىشلىرىنى توختىتىش قارارى ئالغان ئىدى.

چىقىرىپ تاشلانغان ئۈچ تاراتقۇ ئورگىنى يەنە ئاقسارايغا كىرىش ھوقۇقىنىڭ قايتىدىن ئەسلىگە كەلتۈرۈلۈشى مەقسىتىدە تۈنۈگۈن ۋاشىنگتوندىكى فېدېراتسىيە نارازىلىق ئەرزى سوتىغا دەۋا ئاچتى.

شەنبە كۈنى ئاقساراي خەۋپسىزلىك تارماقلىرى ئامېرىكا پىرېزىدېنتى دونالد ترامپنىڭ يوليورۇقىغا ئاساسەن، تىلغا ئېلىنغان بۇ ئۈچ ئاخبارات ئورگىنىدىكى مۇخبىرلارنىڭ كىرىشىنى چەكلىگەن ئىدى.

قارارىنى ئۆزىنىڭ شەخسىي سۇپىسىدىكى بىر ئۇچۇر بىلەن ئېلان قىلغان ئامېرىكا پىرېزىدېنتى دونالد ترامپ، «ئۈزلۈكسىز يالغان خەۋەر ئىشلەشنىڭ بىر نەتىجىسى سۈپىتىدە» بۇ ئاخبارات ئورگانلىرىنىڭ سىرتقا چىقىرىۋېتىلگەنلىكىنى بىلدۈرگەن ئىدى.

ئامېرىكا پىرېزىدېنتى دونالد ترامپ ئۇچۇرىدا، پىرېزىدېنت، ھۆكۈمەت ۋە ئامېرىكا توغرىسىدا ئۈزلۈكسىز ئاساسسىز دەۋالار ۋە يالغان-ياۋىداقلارنى تارقىتىشنىڭ قوبۇل قىلغىلى بولمايدىغانلىقىنى ئىپادىلىگەن ئىدى.