ۋېنېزۇئېلا ئۇچۇر-ئالاقە مىنىستىرلىقىنىڭ ئىجتىمائىي تاراتقۇ ھېسابىدا يەر تەۋرەشكە ئائىت ئاخىرقى ئەھۋاللار ھەمبەھىرلەندى.

يەر تەۋرەشلەردە ھاياتىدىن ئايرىلغانلار سانىنىڭ 2 مىڭ 954 كە يەتكەنلىكى تىلغا ئېلىنغان باياناتتا، 16 مىڭ 592 كىشىنىڭ يارىلانغانلىقى ۋە تەخمىنەن 16 مىڭ كىشىنىڭ ئۆي-ماكانسىز قالغانلىقى قەيت قىلدى.

باياناتتا، ئىزدەپ قۇتقۇزۇش خىزمەتلىرى دائىرىسىدە ھازىرغىچە 6 مىڭ 462 كىشىنىڭ قۇتقۇزۇۋېلىنغانلىقى بىلدۈرۈلدى.

ۋېنېزۇئېلادا ئىككى قېتىملىق چوڭ يەر تەۋرەش يۈز بەرگەن ئىدى

ئامېرىكا گېئولوگىيەلىك تەتقىقات مەركىزى (USGS)، 24-ئىيۇن كۈنى ۋېنېزۇئېلادا 39 سېكۇنتلۇق ئارىلىق بىلەن 2 قېتىم 7.2 بال ۋە 7.5 بال يەر تەۋرەش مەيدانغا كەلگەنلىكىنى خەۋەر قىلغان ئىدى.

بىرلەشكەن دۆلەتلەر تەشكىلاتى تەرەققىيات پىروگراممىسى  26-ئىيۇندىكى باياناتىدا، يەر تەۋرەشنىڭ بىۋاسىتە كەلتۈرۈپ چىقارغان ئەمەلىي ۋەيرانچىلىق چىقىمىنى 6.7 مىليارد دوللار دەپ ھېسابلاپ چىققان ئىدى.

يەر تەۋرەشلەردىن كېيىن يېقىنلىرى تەرىپىدىن يوقاپ كەتكەنلىكى مەلۇم قىلىنغان كىشىلەر سانىنىڭ 27-ئىيۇن غىچە بولغان ئارىلىقتا 68 مىڭدىن ئېشىپ كەتكەنلىكى ئۇقتۇرۇلغان ئىدى.

ۋېنېزۇئېلادا قۇتقۇزۇش خىزمەتلىرى داۋاملىشىۋاتقان بولۇپ، قازا قىلغانلار ۋە يارىلانغانلار سانىنىڭ تېخىمۇ كۆپىيىپ كېتىشىدىن ئەندىشە قىلىنماقتا.