ئىران باش ئىشتاب باشلىقى گېنېرال-مايور ئەلى ئابدۇللاھى «دۆلەت مۇداپىئە سانائىتى كۈنى» مۇناسىۋىتى بىلەن دۆلەت مۇداپىئە مىنىستىرلىقىغا تەبرىك تېلېگراممىسى ئەۋەتتى. ئۇ تېلېگراممىسىدا، دۈشمەننىڭ «خاتا ھېسابلىرى» ۋە يېڭى تەھدىتلىرىگە قارشى «ۋەيران قىلغۇچ» زەربە بىلەن جاۋاب قايتۇرىدىغانلىقىنى تەكىتلىدى.
دۆلەت مۇداپىئە سانائىتىنى «مىللىي كۈچ-قۇدرەت»نىڭ ئورنىنى تولدۇرغىلى بولمايدىغان بىر تۈۋرۈكى دەپ سۈپەتلىگەن ئابدۇللاھى مۇنداق دېدى: «دۆلەت مۇداپىئە سانائىتى ئىراننىڭ بىخەتەرلىكى ۋە ئىززىتىنى مۇستەھكەملەشتە ئىنتايىن مۇھىم رول ئوينىماقتا. يېقىنقى يىللاردا مەزكۇر مىنىستىرلىقتا ھەربىي ئۈسكۈنە ئىشلەپچىقىرىشتىن ھالقىپ بارلىققا كەلگەن تەرەققىياتلار دەل قورقۇتۇش ۋە چەكلەش خاراكتېرىگە ئىگە دۆلەت مۇداپىئە سانائىتى ئىنقىلابىدۇر.»
ئامېرىكانىڭ ئىرانغا قاراتقان تەھدىتلىرى ئۈستىدە توختالغان ئابدۇللاھى سۆزىنى داۋاملاشتۇرۇپ مۇنداق دېدى: «ئىران قوراللىق قىسىملىرى قۇرۇقلۇق، دېڭىز، ھاۋا، مۇداپىئە، ئالەم بوشلۇقى ۋە سىبەر (تور) بوشلۇقى قاتارلىق بارلىق ساھەلەردىكى ئومۇميۈزلۈك، ئەقلىي ئىقتىدارلىق ۋە زامانىۋى تەييارلىقلىرى ئارقىلىق، دۈشمەننىڭ ھەر قانداق خاتا ھېسابىغا، شۇنداقلا ئەنئەنىۋى ۋە يېڭى تەھدىتلىرىگە قارىتا ئىنقىلابىي، ئىزىپ تاشلىغۇچى، پۇشايمان قىلدۇرغۇچى ۋە ۋەيران قىلغۇچ زەربە بىلەن جاۋاب قايتۇرىدۇ.»
