نورۋېگىيەدىكى ھەربىي مانېۋىردا ئىشلىتىلگەن ئىجارە ئاپتوموبىللارنىڭ سەزگۈر ئۇچۇرلارنى خاتىرىلىۋالغانلىقى ئىلگىرى سۈرۈلدى. ئاپتوموبىللارنىڭ نورۋېگىيە ئارمىيەسى ھەمكارلىشىدىغان بىر شىركەتتىن ئىجارىگە ئېلىنغانلىقى، بۇلارنىڭ كەم دېگەندە ئىككىسىنىڭ خىتاي ماركىلىق ئاپتوموبىللار ئىكەنلىكى قەيت قىلىندى.
نورۋېگىيەدىكى ھەربىي مانېۋىردا ئىشلىتىلگەن ئىجارە ئاپتوموبىللارنىڭ مەخپىي ئۇچۇرلارنى خاتىرىلىۋالغانلىقى ئىلگىرى سۈرۈلگەندىن كېيىن، ئەسكەرلەرنىڭ يۈرۈش لىنىيەسى ۋە پاروللىرىنىڭ خاتىرىلىنىپ قېلىشى دۆلەتتە خەۋپسىزلىك ئەندىشىسىنى كۈنتەرتىپكە ئېلىپ كەلدى.
نورۋېگىيە ئاخبارات ۋاسىتىلىرىنىڭ خەۋىرىدە، پايتەخت ئوسلودا سېنتەبىر ئېيىدا ئۆتكۈزۈلگەن مانېۋىردا ئىجارە ئاپتوموبىللارنىڭ ئىشلىتىلگەنلىكى، ئاپتوموبىللاردىكى كامېرالارنىڭ ئەسكەرلەرنىڭ ھەرىكىتى، لىنىيەسى ۋە خەۋپسىزلىك پاروللىرىنى خاتىرىلىۋالغانلىقى ئىلگىرى سۈرۈلدى.
ئاپتوموبىللارنىڭ نورۋېگىيە ئارمىيەسى دائىم ئىشلىتىدىغان بىر شىركەتتىن ئىجارىگە ئېلىنغانلىقى، بۇلارنىڭ كەم دېگەندە ئىككىسىنىڭ خىتاي ماركىلىق ئىكەنلىكى بىلدۈرۈلدى.
بۇ ئەيىبلەشلەردىن كېيىن، «ئاپتوموبىللاردىكى كامېرالارنىڭ ساقلىغۇچلىرىنىڭ ئۆچۈرۈۋېتىلگەنلىكى» ھەققىدە بايانات ئېلان قىلىنغان بولسىمۇ، ئەمما ئىجارە ئاپتوموبىللاردىكى كامېرالارنىڭ ھەربىي ئۇچۇرلارنى خاتىرىلىۋېلىشى نورۋېگىيەدە خەۋپسىزلىك ئەندىشىسىنى پەيدا قىلدى.
نورۋېگىيە دۆلەت مۇداپىئە مىنىستىرلىقى ئىلگىرى ئېلان قىلغان باياناتىدا، ئىجارە ئاپتوموبىل توختامنامىسىدە مەخپىي ئۇچۇرلارنىڭ سالاھىيەتسىز كىشىلەرنىڭ قولىغا ئۆتۈپ كېتىشىنىڭ ئالدىنى ئېلىشقا مۇناسىۋەتلىك ماددىلارنىڭ بارلىقىنى بىلدۈرگەن ئىدى.
