تولۇق ئوتتۇرا مەكتەپ ئوقۇغۇچىلىرى ناچار مائارىپ شارائىتلىرىغا ۋە ئوقۇتقۇچى يېتىشمەسلىككە نارازىلىق بىلدۈرمەكتە.
فىرانسىيە ئىچكى ئىشلار مىنىستىرلىقى تولۇق ئوتتۇرا مەكتەپ ئوقۇغۇچىلىرىنىڭ مەكتەپنى قورشىۋېلىش نامايىشلىرىدا يۈز بېرىش ئېھتىمالى بولغان زوراۋانلىق ۋەقەلىرىگە قەتئىي يول قويمايدىغانلىقىنى بىلدۈرۈپ، خەۋپسىزلىك تەدبىرلىرىنى كۈچەيتىش توغرىسىدا يوليورۇق چۈشۈردى.
يەرلىك مەتبۇئاتلاردىكى خەۋەرلەرگە ئاساسلانغاندا، ھۆكۈمەت تولۇق ئوتتۇرا مەكتەپ ئوقۇغۇچىلىرىنىڭ يېڭى ئوقۇش مەۋسۈمى باشلانغان 1-سېنتەبىردىن بۇيان داۋاملىشىۋاتقان ناچار مائارىپ شارائىتىغا ۋە ئوقۇتقۇچى كەمچىللىكىگە نارازىلىق بىلدۈرۈش ھەرىكەتلىرىگە قارشى ھەرىكەتكە ئۆتكەن.
ئىچكى ئىشلار مىنىستىرلىقى ۋالىيلارغا ۋە مەكتەپ مۇدىرلىرىغا ئەۋەتكەن ئۇقتۇرۇشىدا، تولۇق ئوتتۇرا مەكتەپ ئوقۇغۇچىلىرىنىڭ مەكتەپلەرنى قورشىۋالغان ھەرىكەتلىرىدە يۈز بېرىش ئېھتىمالى بولغان زوراۋانلىق ۋەقەلىرىگە قارشى مۇرەسسە قىلمايدىغانلىقىنى بىلدۈردى.
بۇ دائىرىدە مىنىستىرلىق نامايىشچىلارنىڭ مائارىپ خادىملىرىغا ۋە خەۋپسىزلىك قىسىملىرىغا قاراتقان «قوبۇل قىلغىلى بولمايدىغان» زوراۋانلىق ئۇرۇنۇشلىرىنىڭ جازاسىز قالمايدىغانلىقىنى تەكىتلەپ، بۇ خىل ئەھۋاللاردا نازارەتكە ئېلىش تەرتىپلىرىنىڭ باشلىنىدىغانلىقىنى ئېلان قىلدى.
فىرانسىيەنىڭ ئوخشاش بولمىغان جايلىرىدا تولۇق ئوتتۇرا مەكتەپ ئوقۇغۇچىلىرى ناچار مائارىپ شارائىتىغا ۋە ئوقۇتقۇچى يېتىشمەسلىككە نارازىلىق بىلدۈرمەكتە، شۇنداقلا ساقچىلارنىڭ زوراۋانلىقىغا قارشى ئىنكاس قايتۇرماقتا.
