پەلەستىن ئورگان خەۋەر ئاگېنتلىقى (WAFA) نىڭ خەۋەر قىلىشىچە، بۈگۈن باشلانغان ئومۇميۈزلۈك تاقاش 3-ئۆكتەبىر شەنبە كۈنىگىچە داۋاملىشىدۇ. ئىسرائىلىيە قىسىملىرى، غەربىي قىرغاقتىكى قورشاۋنى چىڭىتىش بىلەن بىرگە، تەكشۈرۈش پونكىتلىرىدىكى ھەربىي تەدبىرلەرنىمۇ كۈچەيتمەكتە.
تاقاش ۋە ھەربىي چەكلىمىلەر سەۋەبىدىن پەلەستىنلىكلەرنىڭ مۇقەددەس جايلارغا بېرىشىمۇ توسقۇنلۇققا ئۇچرىماقتا، پەلەستىن زېمىنلىرىنى تارتىۋالغان ئىسرائىلىيەلىكلەرنىڭ پەلەستىنلىكلەرگە قاراتقان ھۇجۇملىرىمۇ داۋاملاشماقتا.
ئىسرائىلىيە يەھۇدىي بايراملىرىدا پەلەستىنلىكلەرنىڭ كۈندىلىك تۇرمۇشىغا ئېغىر دەرىجىدە چەكلىمە قويىدىغان تەدبىرلەرنى قوللىنىدۇ. غەربىي قىرغاقتا قورشاۋنى چىڭىتقان، تەكشۈرۈش پونكىتلىرىدىكى ھەربىي چەكلىمىلەرنى ئاشۇرغان ۋە ئۆتكەللەرنى تاقىغان ئىسرائىلىيە قىسىملىرى، شەھەر، بازار ۋە يېزىلاردا ياشايدىغان پەلەستىنلىكلەرنىڭ سەپەر قىلىشىغا ۋە كۈندىلىك تۇرمۇشىغا ئېغىر دەرىجىدە توسقۇنلۇق قىلماقتا.
