ئامېرىكانىڭ ئىران ئاۋىياتسىيە ساھەسىگە قاراتقان يېڭى ئېمبارگولىرىنىڭ نەتىجىسىدە ئىراق، ئەزەربەيجان، گىرۇزىيە، ئومان ۋە ئەرەب بىرلەشمە خەلىپىلىكى ئىراندىن كەلگەن ۋە بارىدىغان ئاۋىياتسىيە قاتنىشىنى توختاتقان ئىدى.

ئىران ئاممىۋى ئاۋىياتسىيەسى ئىدارىسىنىڭ باشلىقى ئەبۇزەر شىرۇدى، دۆلىتىنىڭ ئاۋىياتسىيە ساھەسىگە قارىتىلغان چەكلىمىلەر سەۋەبىدىن خەلقئارا ئاممىۋى ئاۋىياتسىيە تەشكىلاتى (ICAO) غا ئەرز قىلغانلىقىنى ئېيتتى.

ئىراننىڭ رەسمىي خەۋەر ئاگېنتلىقى IRNA نىڭ خەۋەر قىلىشىچە، شىرۇدى، ئىرانغا يۈرگۈزۈلگەن ئاۋىياتسىيە چەكلىمىلىرى ھەققىدە توختالغان.

ئىراننىڭ توسالغۇلارنى يوقۇتۇش ۋە ئىلگىرى ئاكتىپ بولغان لىنىيەلەردە ئاۋىياتسىيە قاتنىشىنى قايتىدىن باشلاش مەقسىتىدە قانۇنىي ۋە دىپلوماتىك يوللارنى ئىشقا سېلىۋاتقانلىقىنى ئىپادىلىگەن شىرۇدى، ئامېرىكانىڭ ئىراننىڭ ئاۋىياتسىيە ساھەسىگە قاراتقان چەكلىمىلىرى سەۋەبىدىن ICAO غا ئەرز قىلغانلىقلىرىنى ۋە مەسىلىگە ئالاقىدار ھۆججەتلەرنى سۇنغانلىقلىرىنى بىلدۈردى.

شىرۇدى ياۋروپا دۆلەتلىرىگە قارىتىلغان بىۋاسىتە ئۇچۇش چەكلىمىلىرى ھەققىدە بولسا، ئىستانبۇلنى ئاساس قىلغان ھالدا رايونلۇق ئاۋىياتسىيە مەركەزلىرى ئارقىلىق ئالمىشىپ ئۇچۇشلارنىڭ ئىشقا ئاشۇرۇلۇۋاتقانلىقىنى ۋە بۇنى بىر ھەل قىلىش چارىسى سۈپىتىدە ئىشلىتىلىشنى داۋاملاشتۇرىۋاتقانلىقىنى تىلغا ئالدى.

ئامېرىكانىڭ ئىران ئاۋىياتسىيە ساھەسىگە قاراتقان يېڭى ئېمبارگولىرىنىڭ نەتىجىسىدە ئىراق، ئەزەربەيجان، گىرۇزىيە، ئومان ۋە ئەرەب بىرلەشمە خەلىپىلىكى ئىراندىن كەلگەن ۋە بارىدىغان ئاۋىياتسىيە قاتنىشىنى توختاتقان ئىدى.

ئىراق بىلەن ئىران ئوتتۇرىسىدىكى ئاۋىياتسىيە قاتنىشىنىڭ تېھران-باغداتنىڭ ئورنىغا تېھران-نەجەف ئوتتۇرىسىدا ئېلىپ بېرىلىشى ھەققىدە سۆھبەتلەر ئۆتكۈزۈلگەن، ئەمما كېيىنچە تېھران-نەجەف ئۇچۇشلىرىمۇ ئەمەلدىن قالدۇرۇلغان ئىدى.