چارشەنبە كۈنى ئېلان قىلىنغان ئەڭ يېڭى سانلىق مەلۇماتلارغا ئاساسلانغاندا، ئۆتكەن ھەپتە نېپال-خىتاي چېگراسىدا يۈز بەرگەن ۋەيران قىلغۇچ كەلكۈن ۋە تاغ گۈمۈرۈلۈپ چۈشۈش ۋەقەلىرىدە ئۆلگەنلەر سانى 1130 غا يەتتى. نېپال دۆلەتلىك ئاپەت زىيىنىنى ئازايتىش ۋە باشقۇرۇش ئىدارىسى، 26-ئاۋغۇستتىكى ئاپەتتىن بۇيان نېپالدا 1114 جەسەتنىڭ تېپىلغانلىقىنى، 3916 كىشىنىڭ تېخىچە ئىز – دېرىكىنىڭ يوقلۇقىنى بىلدۈردى.

ئاپەت رايونىدىن تەخمىنەن 12 مىڭ كىشى قۇتقۇزۇۋېلىندى، قۇتقۇزۇش خىزمىتىگە ئارمىيە ۋە ساقچىلارنى ئۆز ئىچىگە ئالغان 21 مىڭدىن ئارتۇق دۆلەت خەۋپسىزلىك كۈچلىرى قاتناشتى. نېپالدا جەمئىي 1 مىليون 600 مىڭ كىشى كەلكۈننىڭ تەسىرىگە ئۇچرىدى. خىتاي تەرەپتە بولسا كەم دېگەندە 16 كىشى ئۆلدى، 261 نەپەر چەت ئەل پۇقراسىنىمۇ ئۆز ئىچىگە ئالغان 546 كىشى يوقاپ كەتتى.