قىرغىزىستان پىرېزىدېنتى سادىر جاپپاروۋ بىلەن خىتاي رەھبىرى شى جىنپىڭ بىشكەكتە ئۆتكۈزۈلگەن رەسمىي مۇراسىمدا «مەڭگۈلۈك دوستانە قوشنىدارچىلىق، دوستلۇق ۋە ھەمكارلىق ئەھدىنامىسى» گە ئىمزا قويدى. جاپپاروۋ خىتاي رەھبىرىنىڭ قىرغىزىستاننىڭ مۇستەقىللىقىنىڭ 35 - يىللىقى مەزگىلىدىكى بۇ زىيارىتىنىڭ ناھايىتى زور ئەھمىيەتكە ئىگە ئىكەنلىكىنى ئەسكەرتىپ، ئىككى دۆلەت مۇناسىۋەتلىرىنىڭ يېڭى دەۋردە ئومۇميۈزلۈك ئىستراتېگىيەلىك شېرىكلىك سەۋىيەسىگە يەتكەنلىكىنى ۋە «ئالتۇن دەۋر» گە قەدەم قويغانلىقىنى تەكىتلىدى.
شى جىنپىڭ نۇتىقىدا قىرغىزىستان جەمئىيىتىنىڭ تەرەققىيات نەتىجىلىرىگە يۇقىرى باھا بېرىپ، خىتاينىڭ ياخشى قوشنا ۋە ئىستراتېگىيەلىك شېرىك سۈپىتىدە بۇ تەرەققىياتلاردىن سەمىمىي خۇشاللىق ھېس قىلىدىغانلىقىنى بىلدۈردى. شى جىنپىڭ يەنە قىرغىزىستان خەلقىنى 31-ئاۋغۇست مۇستەقىللىق كۈنى مۇناسىۋىتى بىلەن تەبرىكلىدى. ئىككى دۆلەت ئوتتۇرىسىدىكى يۇقىرى دەرىجىلىك سىياسىي ئىشەنچنىڭ رايونلۇق تىنچلىق، مۇقىملىق ۋە سىجىل تەرەققىياتقا مۇھىم تۆھپە قوشۇۋاتقانلىقى قەيت قىلىندى. شى جىنپىڭ 1-سېنتەبىردە ئۆتكۈزۈلىدىغان شاڭخەي ھەمكارلىق تەشكىلاتى باشلىقلار يىغىنىغىمۇ قاتنىشىدۇ.
