جۇمھۇر رەئىس رەجەپ تاييىپ ئەردوغاننىڭ 30-ئاۋغۇست زەپەر بايرىمى مۇناسىۋىتى بىلەن ئېلان قىلغان ئۇچۇرى، جۇمھۇر رەئىسلىك مەھكىمىسى ئۇچۇر - ئالاقە ئىدارىسىنىڭ ئىجتىمائىي ئالاقە تورىدىكى ھېسابىدا ھەمبەھىرلەندى.

جۇمھۇر رەئىس رەجەپ تاييىپ ئەردوغان بۈگۈن «باش قوماندانلىق مەيدان ئۇرۇشى» دەپ تارىخقا قەيت قىلىنغان ۋە مىللىي كۈرەشنىڭ ئەڭ مۇھىم باسقۇچىنى تەشكىل قىلغان ئۇلۇغ زەپەرنىڭ 104-يىللىقىنى ئىپتىخار ئىچىدە تەبرىكلەنگەنلىكىنى بىلدۈرۈپ، ئەزىز مىللەتنىڭ، قبرىس تۈرك خەلقىنىڭ ۋە دۇنيانىڭ ئوخشىمىغان دۆلەتلىرىدە ياشايدىغان پۇقرالارنىڭ 30-ئاۋغۇست زەپەر بايرىمىنى تەبرىكلىدى.

ئەردوغان چەت ئەللەردىكى ۋاكالەتخانىلادا بايرام خۇشاللىقىنى ۋە ھاياجانىنى ئورتاقلاشقان مېھمانلارغىمۇ رەھمەتلىرىنى يەتكۈزۈپ، «30-ئاۋغۇست زەپەرى بىلەن مىڭ يىلدىن بىرى بىز ئەركىن ياشاپ كېلىۋاتقان زېمىنلىرىمىزنىڭ ئەزەلىي ۋە ئەبەدىي ۋەتىنىمىز ئىكەنلىكىنى قايتا بىر قېتىم ئىسپاتلاندى. جۇمھۇرىيىتىمىزنىڭ قۇرۇلۇشىغا ئېلىپ بارىدىغان يولنىمۇ ئاچقان بۇ ئۇلۇغ زەپەر، مىللىتىمىزنىڭ ئاسارەتنى قەتئىي قوبۇل قىلمايدىغانلىقىنى پۈتكۈل دۇنياغا جاكارلاش بىلەن بىرگە، جۇغراپىيەمىزگە قارىتىلغان ئىمپېرىيالىستىك قورشاۋلارنىڭ پاچاقلىنىشىغا سەۋەب بولدى» دېگەن سۆزلەرنى ئىشلەتتى.

بۇندىن 104 يىل بۇرۇن، ھەرخىل چارىسىزلىكلەرگە قارىماي مىللەتپەرۋەرلىك بىلەن كۆرسىتىلگەن غەيرەت، جۈرئەت ۋە قەتئىيلىكنىڭ بۈگۈنمۇ ئەڭ كۈچلۈك روھىي ئوزۇق مەنبەسى ئىكەنلىكىنى بىلدۈرۈپ، «تۈركىيە، شانلىق تارىخىدىن ئالغان ئىلھام ۋە ئۆزىگە بولغان ئىشەنچ بىلەن ئېنېرگىيەدىن مۇداپىئە سانائىتىگىچە، پەن-تېخنىكىدىن تاشقى سىياسەتكىچە ھەر ساھەدە يازغان مۇۋەپپەقىيەت داستانلىرى ئارقىلىق نىشانلىرىغا قاراپ ئىشەنچلىك قەدەملەر بىلەن ئىلگىرىلەۋاتىدۇ. باشتا رايونىمىز بولۇپ، دۇنيادا ئۇرۇشلار، توقۇنۇشلار، كرىزىسلار ۋە سىياسىي ئېنىقسىزلىقلار كۆپىيىۋاتقان بىر دەۋردە تۈركىيە، پرىنسىپلىق، ئىرادىلىك ۋە ئىنسانىي قىممەت قاراشلارنى مەركەز قىلغان تەشەببۇسكار سىياسەتلىرى بىلەن ئالدىنقى پىلانغا چىقماقتا» دېدى.

جۇمھۇر رەئىس ئەردوغان ئۇچۇرىدا يەنە مۇنداق دېدى:

«شۇنى خۇشاللىق بىلەن ئىپادە قىلىشنى خالايمەنكى، بۈگۈن زۇلۇم كىمدىن كېلىشىدىن قەتئىينەزەر توسالغۇ بولۇشقا، زۇلۇمغا ئۇچرىغۇچى كىم بولۇشىدىن قەتئىينەزەر ئىگە چىقىشقا تىرىشىدىغان، بۇ يولدا زۆرۈر بولسا، بەدەل تۆلەشتىن قورقمايدىغان بىر تۈركىيە بار. ئۈسىمىزدە كۆك ئاسمان ئۆرۈلمىگۈچە، ئاستىمىزدا يەر يېرىلمىگۈچە‘ تۈركىيەنى ۋە تۈرك مىللىتىنى مۇقەددەس كۈرىشىدىن ھېچكىم ۋاز كەچتۈرەلمەيدۇ»