رۇسىيە فېدېراتسىيە ھەربىي ۋە تېخنىكىلىق ھەمكارلىق ئىدارىسىنىڭ باشلىقى دمىترىي شۇگايېۋ، ئىراننىڭ ھەربىي ئامبىرىدىكى رۇسىيەدە ئىشلەنگەن «س-400» ھاۋا مۇداپىئە سىستېمىسىنىڭ ناھايىتى ئۈنۈملۈك ئىشلەۋاتقانلىقىنى بىلدۈردى. شۇگايېۋ رۇسىيە دۆلەتلىك «Vesti» تېلېۋىزىيە قانىلىغا بەرگەن باياناتىدا، رۇسىيە بىلەن ئىران ئوتتۇرىسىدىكى ھەربىي-تېخنىكىلىق ھەمكارلىق ئۈستىدە توختالدى.
ھاۋا مۇداپىئە سىستېمىلىرىنىڭ ئىران بىلەن بولغان ھەمكارلىقنىڭ ئەڭ مۇھىم ساھەسى ئىكەنلىكىنى ئەسكەرتكەن شۇگايېۋ، بۇ مەسىلىنىڭ ئۇزۇن مۇددەتتىن بۇيان ئىككى دۆلەتنىڭ كۈنتەرتىپىدە بولۇپ كېلىۋاتقانلىقىنى ئەسكەرتىپ مۇنداق دېدى: «ئىراننىڭ قورال ئامبىرىدا بىزنىڭ سىستېمىمىز بار ۋە ئۇ ھەقىقەتەن ئۈنۈملۈك ئىشلىمەكتە.»
ئىككى دۆلەت ئوتتۇرىسىدا باشقا قورال سىستېمىلىرى ھەققىدە سۆھبەتلەرنىڭمۇ داۋاملىشىۋاتقانلىقىنى تىلغا ئالغان شۇگايېۋ، ئاۋىياتسىيە ئۈسكۈنىلىرى ۋە يېنىك تىپتىكى قوراللارنىڭمۇ بۇ دائىرىدە مۇزاكىرە قىلىنىۋاتقانلىقىنى بايان قىلدى. ئۇ يەنە، رۇسىيەنىڭ ئېكسپورت قىلىشقا تەييارلىغان قورال سىستېمىلىرىنىڭ، بولۇپمۇ ئىستراتېگىيەلىك شېرىكلەر بىلەن ئېلىپ بېرىلىۋاتقان ھەمكارلىق جەريانىدا مۇھىم ئورۇندا تۇرىدىغانلىقىنىمۇ سۆزلىرىگە ئىلاۋە قىلدى.
