روسىيەلىك بىر ئەمەلدار شەنبە كۈنى ئېلان قىلغان باياناتىدا، ئۇكرائىنانىڭ روسىيەنىڭ جەنۇبىدىكى روستوۋ رايونىغ ئېلىپ بارغان كەڭ كۆلەملىك ئۇچقۇچىسىز ئايروپىلان ھۇجۇمىدا كۆپ ساندا كىشىنىڭ يارىلانغانلىقىنى ۋە ئولتۇراق ئاھالىنىڭ كۆچۈرۈلۈشىگە سەۋەب بولغانلىقىنى بىلدۈردى.

ۋالىي يۇرىي سليۇسار تېلېگرام (Telegram) دا ئېلان قىلغان باياناتىدا: «دۈشمەننىڭ كەڭ كۆلەملىك ھۇجۇمى نەتىجىسىدە يەتتە كىشى يارىلاندى» دېدى. ۋالىي تۆت نەپەر يارىدارنىڭ روستوۋ-نا-دونۇدىكى دوختۇرخانىلارغا يۆتكەنگەنلىكىنى ۋە كېچە سائەتلىرىدە يۈز بەرگەن ھۇجۇمدىن كېيىن بىر كىشىنىڭ ئەھۋالىنىڭ ئېغىر ئىكەنلىكىنى بىلدۈردى.

پرولېتارسكىي ناھىيەسىدە، بىر ئۇچقۇچىسىز ئايروپىلان پارچىلىرىدىن چۈشكەن قالدۇقلار ئىككى ئولتۇراق بىناغا زىيان يەتكۈزدى. جىددىي ھەلەت ئەترەتلىرى،  ئاھالىلەرنى ۋاقىتلىق پاناھجايغا يۆتكىدى.

ئاقسايسكىي رايونىدا بولسا مەسئۇللار بىر ئامباردا ئۇچقۇچىسىز ئايروپىلان پارچىلىرىنى تاپقانلىقىنى ۋە يېقىن ئەتراپتىكى بىر ئورمانغا ئوت كەتكەنلىكىنى ئۇقتۇردى.

باگايېۋسكىي رايونىدا ئالاھىدە ئولتۇراق ئۆيلەر زىيانغا ئۇچرىدى، لېكىن جېنىدىن ئايرىلىش ۋەقەسى كۆرۈلمىدى.

ۋالىي سليۇسار، ئۇچقۇچىسىز ئايروپىلان تەھدىتىنىڭ داۋاملىشىۋاتقانلىقى توغرىسىدا ئاگاھلاندۇرۇش بېرىپ، رايون ئاھالىسىگە ئۆيلىرىدە قېلىشنى ۋە دېرىزىلەردىن يىراق تۇرۇشنى تەۋسىيە قىلدى.

ئۇكرائىنا ھۆكۈمىتى، ھۇجۇمغا مۇناسىۋەتلىك تېخىچە بىر بايانات ئېلان قىلمىدى.