ئەزەربەيجان پىرېزىدېنتى ئىلھام ئەلىيېۋ قىرغىزىستاندا ئۆتكۈزۈلگەن «شاڭخەي ھەمكارلىق تەشكىلاتى» يىغىنىدا سۆز قىلدى. ئەلىيېۋ ئەزەربەيجان بىلەن ئەرمېنىيە ئوتتۇرىسىدىكى 30 يىللىق توقۇنۇشنىڭ ئاخىرلاشقانلىقىنى ئەسكەرتىپ: «ئۇزۇن يىللار توقۇنۇش رايونى بولغان جەنۇبىي كاۋكاز، ئەمدى تىنچلىق رايونىغا ئايلانماقتا» دېدى. ئۇ ئەرمېنىيە بىلەن تاشقى سودا سوممىسىنى ئاشۇرۇش ۋە يېڭى قاتناش لىنىيەلىرىنى قۇرۇش ئۈچۈن تىرىشىۋاتقانلىقلىرىنى بىلدۈردى. پىرېزىدېنت ئەلىيېۋ يەنە، ب د ت نىڭ ئىشغالىيەت مەزگىلىدە ھېچقانداق رول ئوينىمىغانلىقىنى تەنقىد قىلىپ، ئەزەربەيجاننىڭ ئۆز ئىگىلىك ھوقۇقىنى ئۆز كۈچىگە تايىنىپ قايتىدىن تىكلىگەنلىكىنى ئالاھىدە تەكىتلىدى.